ဖွတ်ပါတီနှင့် ကြွက်ပါတီတို့သည် ခွေးကောက်ပွဲတွင် သေနတ်ချင်းရှင်ပြစ်မည်

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီနှင့် တိုင်းရင်းသား စည်းလုံးညီညွတ်ရေးပါတီတို့သည် မဲဆန္ဒနယ်အများစုတွင် အဓိကပြိုင်ဘက်များ ဖြစ်လာကြောင်း ရွေးကောက်ပွဲဝင်မည့် နိုင်ငံရေးသမားများနှင့် နိုင်ငံရေးလေ့လာ သုံးသပ်သူများ၏ ပြောကြားချက်အရ သိရသည်။     အဆိုပါနိုင်ငံရေးပါတီ နှစ်ပါတီသည် လွှတ်တော်အသီးသီး၏ မဲဆန္ဒနယ်အများစုအတွက် လွှတ်တော် ကိုယ်စားလှယ်လောင်း အမည်စာရင်း တင်သွင်းနိုင်ခဲ့ခြင်းကြောင့် ဖြစ်ကြောင်း ၎င်းတို့ကပြောကြားခဲ့သည်။     ကျန်နိုင်ငံရေး ပါတီများမှာမူ ရွေးကောက်ပွဲဝင်မည့် လွှတ်တော်ကိုယ်စားလှယ်လောင်းတစ်ဦးအတွက် ရွေးကောက်ပွဲ ၀င်ခွင့်မှတ်ပုံတင်ကြေး ကျပ်ငါးသိန်းကို မပေးသွင်းနိုင်ခြင်း နှင့်လွှတ်တော် ကိုယ်စားလှယ်လောင်း ရှာဖွေရရှိရန် အချိန်မရရှိခဲ့ခြင်းတို့ကြောင့် ဖြစ်ကြောင်း ၎င်းတို့က ဆက်လက်ပြောကြားခဲ့သည်။     "ရွေးကောက်ပွဲဝင်ခွင့် မှတ်ပုံတင်ကြေး ကျပ်ငါးသိန်းကို သူတို့ ပဲ တတ်နိုင်တာလေ။ ကျွန်မတို့ ပါတီတောင် ငွေကြေး မတတ်နိုင်လို့ လွှတ်တော် ကိုယ်စားလှယ်လောင်း အရေအတွက် မျှော်မှန်းထားတာထက် နည်းသွားတယ်။ မဲဆန္ဒနယ်အများစုမှာ သူတို့ပဲ အဓိကပြိုင်ဘက် ဖြစ်လာတဲ့သဘောပေါ့"ဟု နိုင်ငံရေးပါတီ တစ်ခုမှ တာဝန်ရှိသူတစ်ဦးက ပြောကြားခဲ့သည်။     လွှတ်တော် အသီးသီး၏ မဲဆန္ဒနယ်မှာ ၁၁၆၃ ဖြစ်ရာ နိုင်ငံရေးပါတီ အများစုမှာ မဲဆန္ဒနယ် ၁၀၀ အောက် တွင်သာ လွှတ်တော် ကိုယ်စားလှယ်လောင်း အမည်စာရင်း တင်သွင်းနိုင် ခဲ့ကြောင်းသိရသည်။ မဲဆန္ဒနယ် တစ်နယ်တွင် ရွေးကောက်တင်မြှောက်ခံမည့် လွှတ်တော် ကိုယ်စားလှယ်လောင်း တစ်ဦးတည်းသာရှိပါက ယင်းပုဂ္ဂိုလ်သာ လွှတ်တော်ကိုယ်စားလှယ် ဖြစ်လာမည်ဖြစ်ကြောင်း သိရသည်။     လွှတ်တော် ကိုယ်စားလှယ်လောင်း အမည်စာရင်း တင်သွင်းလွှာများ စိစစ်မှုကို စက်တင်ဘာလ ၆ ရက်မှ ၁၀ ရက်အထိ ပြုလုပ်သွားမည်ဖြစ်ကြောင်း သိရသည်။ နိုင်ငံရေးပါတီအချို့၏ လွှတ်တော်အသီးသီး၏ မဲဆန္ဒနယ်များအတွက် လွှတ်တော် ကိုယ်စားလှယ်လောင်း အမည်စာရင်းတင်သွင်းနိုင်မှု   မျှော်မှန်း    ရလဒ်  ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ          ၁၁၆၃ ၁၁၀၀ ကျော်  တိုင်းရင်းသား စည်းလုံးညီညွတ်ရေးပါတီ         ၁၀၀၀ကျော် ၉၇၅ အမျိုးသား ဒီမိုကရေစီအင်အားစုပါတီ            ၂၅၀ ၁၆၀ ခန့် ရှမ်းတိုင်းရင်းသားများဒီမိုကရက်တစ်ပါတီ              ၁၈၀ ၁၅၇ ၈၈ မျိုးဆက်ကျောင်းသားလူငယ်များ(ပြည်ထောင်စုမြန်မာနိုင်ငံ)နှင့် ပြည်ထောင်စုမြန်မာနိုင်ငံ အမျိုးသားနိုင်ငံရေးအဖွဲ့ချုပ်   ၁၅၀  ၉၀ ခန့် ဒီမိုကရက်တစ်ပါတီ(မြန်မာ)       ၁၀၀ ခန့်  ၆၀ ခန့် ရခိုင်တိုင်းရင်းသားများ တိုးတက်ရေးပါတီ             - ၄၀ ကျော်  ချင်းတိုးတက်ရေးပါတီ    ၄၅ ခန့်      ၄၀ခန့် ကရင်ပြည်သူ့ပါတီ            ၄၄  ၄၄ ပြည်ထောင်စုဒီမိုကရေစီပါတီ               ၃   ၃ မတူကွဲပြားခြင်းနှင့် ငြိမ်းချမ်းရေးပါတီ             ၃   ၇  ဒီမိုကရေစီနှင့် ငြိမ်းချမ်းရေးပါတီ              ၉   ၈ ၀ံသာနု NLD(ပြည်ထောင်စုမြန်မာနိုင်ငံ)            ၂၅   ၅ မှတ်ချက် ။   ။ သြဂုတ်လ ၃၁ ရက်နေ့အထိ ရရှိခဲ့သော အရေအတွက်ဖြစ်ပြီး အကြောင်းကြောင်းကြောင့် အရေအတွက် အနည်းငယ်အပြောင်းအလဲ ရှိနိုင်ပါသည်။