December 19, 2009 · Leave a Comment
Rate This
INVESTIGATION STORY
ဌာနဆိုင်ရာ များ နှင့် စစ်အစိုးရ ကျောက်ထောက်နောက်ခံပေးထားသည့် အစိုးရ မဟုတ် သောအဖွဲ့ အစည်း များမှ ၀န်ထမ်းများ နိုင်ငံခြားခရီးစဉ် သွားခွင့်ရရေး အတွက် သက်ဆိုင်ရာ ဌာနအကြီးအကဲ များ၏ အလိုကို လိုက်ရသည် ဟု Freedom News Group မှ စုံစမ်း သိရှိရသည်။
ဒေသတွင်း နှင့် အာရှနိုင်ငံများမှ လေ့လာရေး ခရီးစဉ် နှင့် ပညာတော်သင်များ ဖိတ်ခေါ်ရာ
တွင် ယခင်က ထူးချွန်သူများ နှင့် စစ်အရာရှိ များ၏ သားသမီးများအားဦးစား ပေး၍ ခေါ်
ယူခဲ့သော် လည်း ယခု လက်သင့်ရာစားတော်ခေါ် စနစ်ထက် ပို၍ ဆန်းပြားသည့် နည်းလမ်း ဖြစ်ခေါ်ယူနေကြောင်းသိရသည်။
ဂျပန် နိုင်ငံသို့ ရက်တိုလေ့လာရေးခရီးစဉ် ထွက်ရမည် ဟု လျှာထားခံရွေးချယ်ခံရပြီး မှ ကျန်ရှိခဲ့သည့် ပညာရေးဝန်ကြီးဌာန မှ အမျိုးသမီးတစ်ဦးက “ကျွန်မ သွားချင်လို့ ပြော
တာမဟုတ်ပါဘူး သူတို့ ဒီလိုအခွင့်အရေးမျိုးဆို သူတို့ နဲ့ ရင်းနှီးသူတွေပဲ ရတယ်ဆိုတာ
သိပြီးသားပါ။ အခုဟာက အလုပ်ဝင်တာ တစ်လ လောက်ပဲ ရှိသေးတယ့် လူက လေ့လာ
ရေးခရီးစဉ် ပါသွားတယ် ဟိုကျတော့ ဘာမှ မဆွေးနေနိုင်ဘူး ။တခြားဌာန က လူတွေ လဲပါသေးတယ် ၊ဘယ်လောက်ရှက်စရာ ကောင်းလဲ“ ဟုပြောသည်။
ပညာရေးဝန်ကြီးဌာန မှစေလွှတ်သော ဂျပန် နိုင်ငံ လေ့လာရေးခရီးစဉ် တွင် လိုက်ပါရသည့် ထိုအမျိုးသမီးသည် စစ်တပ်မှ ပြောင်းရွှေ့လာသည့် ဗိုလ်မှုးဟောင်း
တစ်ဦး က ညွှန်ကြားရေး မှုး အဖြစ် တာဝန်ယူနေသောဌာန ၏ ၀န်ထမ်းတစ်ဦးဖြစ်ပြီး
ထိုစစ်အရာရှိ က အိမ်ခန်းငှားပေးထား၍ စနေ၊တနင်္ဂနွေ နေ့ များတွင် ပုံမှန် သွားလေ့ရှိ
သူ တစ်ဦးဖြစ်သည်။
နိုင်ငံခြားတိုင်းပြည်များမှ လေ့ကျင်ရေးသင်တန်း နှင့် ပညာတော်သင်များပေးရာ
တွင် ယခုကဲ့သို့  အထက်အရာရှိများ ၏ အလိုကိုလိုက်ပါမှ သွားရမှုများမှာ ထိုဌာန
တစ်ခုတည်းတွင်သာ မဟုတ်ပဲ ကြံဖွံ့ ၊လှုမှုဝန်ထမ်း နှင့် ပြန်လည်နေရာချထားရေးဝန်ကြီး
ဌာန နှင့် နိုင်ငံခြားရေးဝန်ကြီး ဌာနတို့ တွင်ပါရှိကြောင်းသိရသည်။
ဌာနဆိုင်ရာများတွင် တာဝန်ရှိ ပုဂ္ဂိုလ်များက ငယ်ရွယ်သည့် အမျိုးသမီးများအား ယခုနှစ်
တွင် ပိုမိုခန့် ထားခြင်းကြောင့် ထိုဖြစ်ရပ်မျိုးမှာ ပိုမို များပြားလာခြင်းဖြစ်သည်။
ကြံဖွတ်၏ အာဆီယံ က သင်တန်းပေးသည့် သဘာဝဘေးဒဏ် ကြောင့် ပျက်စီးဆုံးရှုံးမှု များ ဆိုင်ရာ လေ့လာရေး သုံးလသတင်တန်း သို့ တက်ရောက်ခွင့် ရခဲ့သည့် အမျိုးသမီးတစ် ဦးမှာ ၀န်ကြီး ဗိုလ်ချုပ်ဌေးဦး ၏ ကိုယ်ရေးအရာရှိ ဖြစ်သူ၏ တရားမ၀င်ဟုတ် သော ဇနီးဖြစ်သည်။
မြန်မာ နိုင်ငံတွင် အလုပ်အကိုင် ရှားပါးမှု ကြောင့် အချို့ လုပ်ငန်းခွင်များတွင် နေရာများရထားသော အမျိူးသမီး အချိူ့ မှာ ဘ၀ နှင့် ရင်းရသည်များရှိသည်။
ဘဏ္ဍာရေးဝန်ကြီးဌာန တွင်မူ ခန္တာကိုယ် အလှ ကျော့ရှင်းသည့် အမျိုးသမီးများမှာ ရန်ကုန်မြို့ တော်စည်ပင်သာယာရေးကော်မတီမှ ရာထူးနေရာချထားပုံတိုင်းပင် ရာထူးအတက် မြန်သည်
ဟုသိရသည်။
