၂၀၀၈ ခုနှစ်အတွက် ဆုချီးမြှင့် ပေးအပ်သော အကယ်ဒမီဆုပေးပွဲ ကို နေပြည်တော်၌ စတုတ္ထအကြိမ်မြောက်အဖြစ် ကျင်းပပြုလုပ်ခဲ့ရာ အများနှင့်မသက်ဆိုင်သောသူ ဇာတ်ကားက ဆုအများဆုံး ရရှိသွားခဲ့ပါ သည်။ ယခုနှစ် အကယ်ဒမီဆုပေးပွဲ သည် ဆုပေးပွဲသက်တမ်းတစ်လျောက်(၅၃)ကြိမ်မြောက်အဖြစ် ကျင်းပခဲ့သောဆုပေးပွဲဖြစ်ပြီး နေပြည်တော်၌ လေးနှစ်မြောက်အဖြစ် ကျင်းပခဲ့ခြင်းလည်းဖြစ်ပါသည်။ထို့အပြင် ပြီးခဲ့သည့်နှစ်ဆုပေးပွဲက အမျိုးသားများသာ ဆုရရှိခဲ့သော၊ အမျိုးသားများ ကြီးစိုးခဲ့သော အကယ်ဒမီဆုပေးပွဲဖြစ်ခဲ့ခြင်းကြောင့် ပရိသတ်များ အံ့သြခဲ့ရသည့်နည်းတူ ယခုနှစ်တွင်လည်း ပရိသတ်မျော်မှန်းထားသည်နှင့် လွဲချော်မှုများဖြစ်ခဲ့ရ ခြင်းကြောင့် ပရိသတ်များ အံ့အား သင့်ခဲ့ရသည့် ဆုပေးပွဲနှစ်တစ်နှစ်ပင် ဖြစ်ခဲ့ရပြန်ပါသည်။
ယခုနှစ်အကယ်ဒမီဆုပေးပွဲ၌ ဆုခုနစ်ဆုသာ ပေးအပ်ခဲ့ပြီး အဆိုပါ ဆုခုနစ်ဆုအနက် ဇာတ်ကားဆု၊ ဒါရိုက်တာဆု၊ အမျိုးသားဇာတ်ဆောင်ဆုနှင့် အမျိုးသမီးဇာတ်ပို့ဆု များကို အများနှင့်မသက်ဆိုင်သော သူဇာတ်ကားက ရရှိသွားခဲ့ပြီး အမျိုးသားဇာတ်ပို့ဆုကို အကယ်ဒမီရှော့ ဇာတ်ကား၊ အမျိုးသမီးဇာတ်ဆောင်ဆုကို မြင့်မိုရ်ထက်ကသရဖူဇာတ်ကားနှင့် ဆုပေးပွဲမတိုင်ခင်ကာလက ပရိသတ်အကြိုက် အကယ်ဒမီဆုများ ကိုရရှိထားခဲ့သော ကြိုးတန်းဇာတ်ကားက ဓာတ်ပုံဆုတစ်ဆုသာရရှိခဲ့ ပါသည်။
ကြိုးတန်းဇာတ်ကားသည် ဆုပေးပွဲမတိုင်ခင်က ဇာတ်ကားဆု၊ ဒါရိုက်တာဆု၊ ဇာတ်ညွှန်းဆု၊ အမျိုး သားသရုပ်ဆောင်ဆု၊ အမျိုးသမီးသရုပ်ဆောင်ဆုများ အပါအ၀င် အခြား အတတ်ပညာဆိုင်ရာဆုများ အတွက် ဆုရရှိနိုင်ရန် ပရိသတ်များက ထင်ကြေးပေးခံနေရသော်လည်း ဓာတ်ပုံဆုတစ်ဆုသာ ရရှိသွားခဲ့ခြင်းဖြစ်ပါသည်။ ထို့အတူ ကြိုးတန်းဇာတ်ကားဖြင့် ဒါရိုက်တာဆုရရှိရန် ရေပန်းစားနေခဲ့သော ဒါရိုက်တာမီးပွားမှာ လည်း အကယ်ဒမီနှင့် လွဲတတ်လေ့ရှိသော အစဉ်အလာကို ဆက်လက်ရယူသွားခဲ့ပါသည်။ ဒါရိုက်တာမီးပွား အနေဖြင့် အရိပ်(၁၉၉၇)၊ တစ်ခါက ဧရာဝတီညများ(၂၀၀၄)၊ မင်္ဂလာပါ (၂၀၀၅)အစရှိသော ဇာတ်ကားများ ဖြင့်ဒါရိုက်တာဆုများရရှိရန် ရေပန်းစားခဲ့ဖူးသော်လည်း ဆုများနှင့် လွဲချော်ခဲ့ဖူးကာ ယခုနှစ်တွင်လည်း ရေပန်းစားခဲ့သည့်အလျောက် ဆက် လက်လွဲချော်သွားခဲ့ခြင်းဖြစ်ပါသည်။
ယခုနှစ်ဆုပေးပွဲတွင် ဇာတ်ညွှန်းဆု၊ တည်းဖြတ်ဆု၊ တေးဂီတဆု၊ အသံဆုများကို ပေးအပ်ခဲ့ခြင်း မရှိပေ။ ဇာတ်ညွန်းဆု၊ တည်းဖြတ်ဆုနှင့် အသံဆုများမှာမူ ၂၀၀၆ခုနှစ် နောက်ပိုင်းကတည်းက ဆုချီးမြှင့်နိုင်ခဲ့ခြင်းမရှိသည့် ဆုအမျိုးအစားများ ဖြစ်ပါသည်။
၂၀၀၈ ခုနှစ်အတွင်း မြန်မာ ရုပ်ရှင်ဇာတ်ကား ၁၂ ကားရုံတင်ပြသနိုင်ခဲ့ပြီး အဆိုပါဇာတ်ကား ၁၂ ကားတွင် ဇာတ်ကားလေးကားမှရုပ်ရှင် ထူးချွန်ဆုများ ရရှိသွားခဲ့ခြင်းဖြစ် ပါသည်။
သန်းညွန့်(ပန်းသာ)
ဓါတ်ပုံဆု(ကြိုးတန်း)
၂၀၀၈ခုနှစ်အတွက် အကောင်းဆုံး ရုပ်ရှင်ဓါတ်ပုံဆုကို ကြိုးတန်း ဇာတ်ကားဖြင့် သန်းညွန့်(ပန်းသာ)က ခြောက်ဆုမြောက် အကယ်ဒမီအဖြစ် ဆွတ်ခူးရရှိသွားခဲ့ခြင်းဖြစ် ပါသည်။
သန်းညွန့်(ပန်းသာ)သည် ၁၉၉၃ ခုနှစ်က မြစ်တို့၏ မာယာ ဇာတ်ကားဖြင့်လည်းကောင်း၊ ၁၉၉၅ ခုနှစ်တွင် ပုဂံမှာသာတဲ့လ ဇာတ်ကားဖြင့်လည်းကောင်း၊ ၁၉၉၈ ခုနှစ်တွင် ညမင်းသားဇာတ်ကားဖြင့် လည်းကောင်း၊ ၂၀၀၀ ပြည့်နှစ်တွင် မောင့်မူပိုင်ရှင်ဇာတ်ကားဖြင့် လည်းကောင်း ၊ ၂၀၀၆ခုနှစ်တွင် ပန်းပျိုးသူတို့အလင်္ကာ ဇာတ်ကားဖြင့်လည်းကောင်း အကယ်ဒမီဆုများ ရရှိထားခဲ့ပါသည်။
ခင်မို့မို့အေး
အမျိုးသမီးဇာတ်ပို့ဆု(အများနှင့် မသက်ဆိုင်သောသူ)
၂၀၀၈ ခုနှစ်အတွက် အကောင်းဆုံးအမျိုးသမီးဇာတ်ပို့ဆုကို အများနှင့်မသက်ဆိုင်သောသူ ဇာတ်ကား ၌ ပီပြင်အောင် သရုပ်ဆောင်နိုင်ခဲ့သည့် သရုပ်ဆောင်ခင်မို့မို့အေးမှ ပထမဆုံး အကယ်ဒမီဆုအဖြစ် ဆွတ်ခူးရရှိသွားခဲ့သည်။
ယခုရရှိသွားသောဆုသည် ခင်မို့မို့အေး၏ အနုပညာသက်တမ်း တလျောက် ပထမဆုံးအကြိမ်အဖြစ် ရရှိသွားခဲ့သော အကယ်ဒမီဆုဖြစ်ပါ သည်။ ခင်မို့မို့အေးသည် ထိုဆုကို ဆုပေးပွဲမတိုင်ခင်က ပရိခန့်မှန်းထားခဲ့သည့်အတိုင်း ရရှိသွားခဲ့ခြင်းဖြစ်ပါသည်။
ရဲအောင်
အမျိုးသားဇာတ်ပို့ဆု(အကယ်ဒမီရှော့)
အမျိုးသားဇာတ်ပို့ဆု(အကယ်ဒမီရှော့)
၂၀၀၈ခုနှစ်အတွက်အကောင်းဆုံး အမျိုးသားဇာတ်ပို့ဆုကို အမျိုးသားတို့၏ အကယ်ဒမီရှော့ကို ပြသခဲ့သော ရဲအောင်က အကယ်ဒမီရှော့ပ် ဇာတ်ကားဖြင့်ရရှိသွားခဲ့ခြင်းဖြစ်ပါ သည်။
ယခုရရှိခဲ့သောဆုသည် ရဲအောင်၏ ဒုတိယမြောက်ရရှိခဲ့သော အကယ်ဒမီဆုဖြစ်ပြီး ရဲအောင်သည် ၁၉၉၃ခုနှစ်က မြစ်တို့၏မာယာ ဇာတ်ကားဖြင့် အမျိုးသားသရုပ်ဆောင်ဆုကို ရရှိထားခဲ့ပါသည်။
ရဲအောင်ကို အမျိုးသားဇာတ်ပို့ ဆုရရှိရန် ခန့်မှန်းကြသော ပရိသတ်များရှိခဲ့သော်လည်း အကယ်ဒမီရှော့ဇာတ်ကားဖြင့် အကယ်ဒမီဆု ရရှိမည်ဟု ထင်ကြေးပေးခဲ့ခြင်းမရှိ သည့်ကြားမှ ထိုဇာတ်ကားဖြင့်ဆုရှိ သွားခဲ့ခြင်းဖြစ်ပါသည်။
မို့မို့မြင့်အောင်အမျိုးသမီးဇာတ်ဆောင်ဆု (မြင့်မိုရ်ထက်ကသရဖူ)
၂၀၀၈ခုနှစ်အတွက် အကောင်းဆုံး အမျိုးသမီးဇာတ်ဆောင် ဆုကို မြင်းမိုရ်ထက်ကသရဖူ ဇာတ်ကားဖြင့် မို့မို့မြင့်အောင်က ရရှိသွားခဲ့ပါသည်။
မို့မို့မြင်အောင်သည် ယခုဆုကို အနုပညာသက်တမ်း တလျောက် ငါးဆုမြောက်အကယ်ဒမီအဖြစ် ဆွတ်ခူးရရှိသွားခဲ့ခြင်းလည်းဖြစ်ပါသည်။ အကယ်ဒမီ မို့မို့မြင့်အောင်သည် ၁၉၈၄ခုနှစ် တွင် နှလုံးသားမြို့တော် ဇာတ်ကားဖြင့် ဇာတ်ပို့ဆု၊ ၁၉၈၉ခု နှစ်တွင် ခပ်စိမ်းစိမ်းနေပါ့မယ် ဇာတ်ကားဖြင့် ဇာတ်ဆောင်ဆု၊ ၁၉၉၁ ခု နှစ်တွင် သမီးနှင့်အမေများ ဇာတ်ကားဖြင့်ဇာတ်ဆောင်ဆု၊ ၁၉၉၄ ခုနှစ် တွင် မသုဓမ္မစာရီဇာတ်ကားဖြင့် ဇာတ်ဆောင်ဆုများ ရရှိထားခဲ့ပါသည်။
ထို့အပြင် ယခုနှစ်ဆုပေးပွဲတွင် ဆုရရှိရန် ရေပန်းစားနေသော အမျိုးသမီးသရုပ်ဆောင်များအနက် ထင်ကြေးပေးအခံရဆုံး သရုပ်ဆောင်တစ် ဦးအနေဖြင့်လည်း ဆုရရှိသွားခဲ့ခြင်း ဖြစ်ပါသည်။ မို့မို့မြင့်အောင်နည်းတူ အမျိုးသရုပ်ဆောင်ဆုရရှိရန် ရေပန်းစားခဲ့သူများထဲတွင် ထွန်းအိန္ဒြာဗို၊ စိုးမြတ်သူဇာနှင့် ချစ်သုဝေတို့လည်းပါ ၀င်ခဲ့ကြပါသည်။
ခန့်စည်သူ
အမျိုးသားဇာတ်ဆောင်ဆု(အများနှင့် မသက်ဆိုင်သောသူ)
၂၀၀၈ခုနှစ်အတွက် အကောင်းဆုံး အမျိုးသားဇာတ်ဆောင်ဆုကို အများနှင့် မသက်ဆိုင်သောသူ ဇာတ်ကားမှ ခန့်စည်သူက ရရှိသွားခဲ့ပါသည်။ ခန့်စည်သူသည် ယခုဆုကို အနုပညာသက်တမ်းတလျောက် ပထမဆုံးသော အကယ်ဒမီဆုအနေဖြင့် ရရှိခဲ့ခြင်းဖြစ်ပြီး ဆုပေးပွဲမတိုင်မီက ပရိသတ်ခန့်မှန်းထားပြီး သတင်းထွက်နေခဲ့သည်နှင့်အညီ ဆု ရရှိသွားခဲ့ခြင်းလည်း ဖြစ်ပါသည်။
အများနှင့်မသက်ဆိုင်သောသူ(ဇာတ်ကားဆု)
၂၀၀၈ခုနှစ်အတွင်း ထွက်ရှိထားခဲ့သည့် ဇာတ်ကား၁၂ကားအနက် ဇာတ်ကားဆုရရှိရန်အတွက် ကြိုးတန်းဇာတ်ကား၊ မြင့်မိုရ်ထက် ကသရဖူဇာတ်ကားနှင့် အများနှင့်မသက်ဆိုင်သောသူ ဇာတ်ကားအစရှိသည့်ဇာတ်ကားများက ရေပန်းစားခဲ့ပြီး ထိုဇာတ်ကားသုံးကားအနက်မှ အများနှင့်မသက်ဆိုင်သောသူ ဇာတ်ကားက ဆုရရှိသွားခဲ့ခြင်းဖြစ်ပါသည်။
ထိုဇာတ်ကားကို မျက်ခြယ်ရုပ်ရှင်ထုတ်လုပ်ရေးမှ ထုတ်လုပ်ခဲ့ခြင်းဖြစ်ပြီး မင်းလူ၏ နာမည်ကျော်ဝတ္ထု တစ်ပုဒ်ကို ဒါရိုက်တာညီညီထွန်းလွင်က ရုပ်ရှင်အဖြစ်ပြန်လည် ရိုက်ကူးခဲ့ခြင်းဖြစ်ကာ ဟာသနှင့်ဒရမ်မာ အချိုးစပ်ထားသော ဇာတ်လမ်းအမျိုးအစားဖြစ်ပါသည်။
ညီညီထွန်းလွင်
ဒါရိုက်တာဆု (အများနှင့်မသက် ဆိုင်သောသူ)
ယခုနှစ်များအတွင်း ဟာသ ဇာတ်မြူးဇာတ်ကားများဖြင့် နာမည်ကျော်နေခဲ့သော ဒါရိုက်တာညီညီထွန်းလွင်က အများနှင့်မသက်ဆိုင်သောသူ ဇာတ်ကားဖြင့် ၂၀၀၈ခုနှစ် အတွက် အကယ်ဒမီဆုကိုရရှိသွားခဲ့ ခြင်းဖြစ်ပါသည်။
ဒါရိုက်တာညီညီထွန်းလွင် သည် အကယ်ဒမီဆုကို ပထမဆုံး အကြိမ်ရရှိခဲ့ခြင်းကာ ကြိုးတန်း ဇာတ်ကားဖြင့် ရေပန်းစားနေခဲ့သော ဒါရိုက်တာမီးပွား၊ မြင့်မိုရ်ထက်က သရဖူဇာတ်ကားဖြင့် ရေပန်းစားနေခဲ့ သော ဒါရိုက်တာသိန်းဟန်(ဖီးနစ်) တို့နှင့်အတူ ဆုပေးပွဲအတိုင်ခင်က ဆုပေးပွဲမတိုင်ခင်က ရေပန်းစားနေရာ မှ ဆုရရှိသွားခဲ့ခြင်းဖြစ်ပါသည်။
အကယ်ဒမီဆုနှင့်မသက်ဆိုင်သောသူ ဒါရိုက်တာမီးပွားဒါရိုက်တာမီးပွားနှင့် လွဲခဲ့သည့်အကယ်ဒမီများ
၁၉၉၇ ခုနှစ်အတွက် ဆုရရှိခဲ့ကြသူများ
- သူ့ကျွန်မခံပြီဇာတ်ကား(ဇာတ်ကားဆု၊ ဒါရိုက်တာဆု၊ အမျိုးသားဇာတ်ပို့ဆု၊ တည်းဖြတ်ဆု)
- မြင့်မြတ်နှလုံးသား(အမျိုးသားဇာတ်ပို့ဆု၊ ဓာတ်ပုံဆု၊ တေးဂီတဆု၊ အသံဆု၊ ဇာတ်ညွှန်းဆု)
- အမေ့ခြေရာ (အမျိုးသားဇာတ်ဆောင်ဆု၊ အမျိုးသမီးဇာတ်ပို့ဆု)
- အရိပ် (အမျိုးသမီးသရုပ်ဆောင်ဆု)
၂၀၀၄ ခုနှစ်အတွက် ဆုရရှိခဲ့ကြသူများ
- လျို့ဝှက်သောနှင်း (ဇာတ်ကားဆု၊ ဒါရိုက်တာဆု၊ အမျိုးသားဇာတ်ပို့ဆု၊ ဓာတ်ပုံဆု၊ အသံဆု၊ တည်းဖြတ်ဆု၊ ဇာတ်ညွှန်းဆု)
- တစ်ခါက ဧရာဝတီညများ (အမျိုးသားဇာတ်ဆောင်ဆု)
- မျက်နှာများတဲ့ကောင်းကင် (အမျိုးသမီးဇာတ်ဆောင်ဆု)
- ချစ်ခြင်းငယ်ပြိုင် (အမျိုးသမီးဇာတ်ပို့ဆု)
- ပန်းဒဏ္ဍာရီ (တေးဂီတဆု)
၂၀၀၅ ခုနှစ်အတွက် ဆုရရှိခဲ့ကြသူများ
- ကျန်စစ်မင်း (ဇာတ်ကားဆု၊ အမျိုးသားသရုပ်ဆောင်ဆု၊ တေးဂီတဆု၊ အသံဆု)
- ဆဌဂံ (ဒါရိုက်တာဆု၊ ဇာတ်ညွှန်းဆု၊ အမျိုးသားဇာတ်ပို့ဆု၊ တည်းဖြတ် ဆု)
- မိုးကုပ်စက်ဝိုင်းကိုကျော်လွန်၍(အမျိုးသမီးသရုပ်ဆောင်ဆု၊ ဓာတ်ပုံဆု)
- ချစ်ခြင်းဖွဲ့မေတ္တာ(အမျိုးသမီးဇာတ်ပို့ဆု)
မြန်မာတိုင်းမ်ဂျာနယ်တွင် ဖော်ပြထားခဲ့သည့် ပရိသတ်ရွေးချယ်ထား သော ၂၀၀၈ခုနှစ်အတွက် အကောင်းဆုံးများ
၁။ ဇာတ်ကားဆု - ကြိုးတန်း
၂။ ဒါရိုက်တာဆု- မီးပွား(ကြိုးတန်း)
၃။ အမျိုးသားဇာတ်ဆောင်- ခန့်စည်သူ(အများနှင့်မသက်ဆိုင်သောသူ)
၎။ အမျိုးသမီးဇာတ်ဆောင်- မို့မို့မြင့်အောင်(မြင့်မိုရ်ထက်က သရဖူ)
၅။ အမျိုးသားဇာတ်ပို့ဆု- ဇင်ဝိုင်း(မြင့်မိုရ်ထက်က သရဖူ)
၆။ အမျိုးသမီးဇာတ်ပို့ဆု- ခိုင်သင်းကြည်(အမည်မဖော်လိုသူအချစ်)
၇။ တေးဂီတဆု- ဓီရာမိုရ်(မြင့်မိုရ်ထက်က သရဖူ)
၈။ အသံဆု- ဓနမိုးနှင့်အဖွဲ့(မြင့်မိုရ်ထက်က သရဖူ)
၉။ ဇာတ်ညွှန်းဆု- ငြိမ်းမင်း (မြင့်မိုရ်ထက်က သရဖူ)
၁၀။တည်းဖြတ်ဆု- ဇော်မင်း(ဟံသာမြေ) (မြင့်မိုရ်ထက်က သရဖူ)
၁၁။ဓာတ်ပုံဆု- ကျောက်ဖြူ(ပဒေသာ) (မြင့်မိုရ်ထက်က သရဖူ)
- အဆိုပါရွေးချယ်မှုသည် မြန်မာတိုင်းမ်ဂျာနယ်မှ ပရိသတ်အကြိုက်ဆုံး အနုပညာရှင်များ စစ်တမ်းကောက်ယူပြီး ဖြေဆိုသူ စာဖတ်ပရိသတ် ၂၆၅၂ဦး မှပေးအပ်ခဲ့သော ရမှတ်များကို စာရင်းပြုစုခဲ့ခြင်းဖြစ်ပါသည်။ ထိုစာရင်းများ အနက်ရမှတ်အများဆုံးရရှိ ထားခဲ့သူများကို ယခုပြန်လည်ဖော်ပြခဲ့ခြင်းဖြစ်ပြီး စစ်တမ်းအပြည့်အစုံကို မြန်မာတိုင်းမ်ဂျာနယ် အတွဲ ၂၃ အမှတ် ၄၅၂ တွင် ကြည့်ရှုနိုင်ပါသည်။
