Sunday, 05 June 2011 10:07 | |
ကမ္ဘာပေါ်တွင် နာမည်ကြီး ကျောက်စိမ်းများ ထွက်ရှိနေသည့် ဒေသဖြစ်သည့် ဖားကန့်ဒေသတွင် ကျောက်စိမ်း ကုဋေကျောက်ကြော တစ်ခုကို ထပ်မံတွေ့ရှိခဲ့ကြောင်း အဆိုပါ ကျောက်စိမ်းကုဋေ ကျောက်ကြောကို ရှာဖွေတွေ့ရှိခဲ့သည့် ဘူမိဗေဒလုပ်ငန်းမှ သတင်းရရှိပါသည်။ ဘူမိဗေဒပညာရှင်များသည် ၂၀၁၀ ပြည့်နှစ် နှစ်ကုန်ပိုင်းအတွင်း ဖားကန့်ဒေသရှိ ကျောက်စိမ်းထွက်ရှိမှုကို သုတေသနပြု လေ့လာရှာဖွေခဲ့ခြင်းဖြစ်ပြီး ၂၀၁၁ ခုနှစ်တွင် ဖားကန့်၌ အဆိုပါ ကျောက်စိမ်း ကုဋေ ကျောက်ကြောကို ရှာဖွေတွေ့ရှိခဲ့သည်ဟု သိရသည်။ လတ်တလော ရှာဖွေ တွေ့ရှိခဲ့သည့် ဖားကန့်ကျောက်စိမ်း ကုဋေကြောမှ ကျောက်စိမ်းထွက်ရှိနိုင်မှုမှာ ပျမ်းမျှ တစ်ဧကလျှင် ကျောက်စိမ်း ၀ ဒသမ ၃ တန်ရှိနိုင်သည်ဟု ဘူမိဗေဒပညာရှင် ပါမောက္ခ အငြိမ်းစားဆရာကြီး ဦးစိုးသိန်း ဦးစီးသော ဘူမိဗေဒ ပညာရှင်များက တွက်ဆထားကြောင်း သိရသည်။
“ကျွန်တော်တို့ လွန်ခဲ့တဲ့ ၁၀ နှစ်ခန့်က ရတနာတောင်တန်း ကျောက်စိမ်းကြောရဲ့ ကျောက်စိမ်း တည်ရှိနေတဲ့ နေရာတွေကို ကွင်းဆင်းပြီး ဘူမိဗေဒနည်းပညာနဲ့ ရှာဖွေခဲ့ပါတယ်။ အဲဒီတုန်းက အခုတစ်ကြိမ် ရှာဖွေမှုမှာ အသုံးပြုခဲ့တဲ့ High Tech Geology နည်းကို Digital Image Data အခက်အခဲနဲ့ နည်းပညာတိုးတက်မှု နည်းပါးခဲ့တာကြောင့် ကောင်းကောင်း အသုံးမပြုနိုင်ခဲ့ပါဘူး။ အခုတစ်ကြိမ်မှာတော့ Digital Image Data တွေနဲ့ High Tech နည်းစနစ်တွေကို ကောင်းစွာအသုံးပြုပြီး ရှာဖွေတဲ့အခါကြမှ ကျောက်စိမ်းကောင်းတွေ တည်ရှိနေတဲ့ ကုဋေကျောက်စိမ်းကြော နဲ့တကွ ကျောက်စိမ်းကြောများစွာကို ကောင်းစွာရှာဖွေနိုင်ခဲ့တာပါ။ Landsat Digital Image တွေကို NASA \ High Tech နည်းပညာနဲ့ လုပ်ကွက်တွေရဲ့ပုံကိုနှိုင်းယှဉ်ပြီး ကုဋေကျောက်စိမ်းကြောများ ကျန်ရှိနေသေးတာကို အခိုင်အမာ တွေ့ရှိခဲ့ပါတယ်”ဟု ဖားကန့်ဒေသ ကျောက်စိမ်းကြော ရှာဖွေ သုတေသနပြုခဲ့သူ ဘူမိဗေဒပညာရှင် ဦးစိုးသိန်းက ပြောကြားခဲ့သည်။ မြန်မာနိုင်ငံမှ ထွက်ရှိသည့် ကျောက်မျက်ရတနာများအနက် ကျောက်စိမ်းထုတ်လုပ်မှုမှာ နှစ်စဉ် အများဆုံးဖြစ်ပြီး ၂၀၁၀ ပြည့်နှစ်တွင် ကျောက်စိမ်းထုတ်လုပ် ရောင်းချမှုမှ ၀င်ငွေစံချိန်တင် ရရှိခဲ့ကြောင်း သိရသည်။ |