 |
| Sunday, 05 June 2011 14:55 |
 အဆိုပါ ဆန္ဒပြသူများအနက် မေလ ၂၃ ရက်နေ့ မွန်းလွဲ ၃ နာရီ မိနစ် ၄၀ တွင် သုံးဦး၊ မေလ ၂၄ ရက်နေ့တွင် ခုနစ်ဦးနှင့် မေလ ၂၅ ရက်နေ့ ညနေ ၄ နာရီမှ စတင်ကာ ကျန်သူများ အစာငတ်ခံဆန္ဒပြမှုကို ရပ်ဆိုင်းကာ အစာစားသုံးမှုများ ပြန်လည်ပြုလုပ်ခဲ့ပြီး ယခုအချိန် တွင် အားလုံးမှာ ကျန်းမာရေး ကောင်းမွန်လျက် ရှိကြောင်း သိရှိရသည်။ ပြည်ထဲရေးဝန်ကြီးဌာန အကျဉ်းဦးစီးဌာနမှ တာဝန်ရှိသူတစ်ဦး က “ဆန္ဒပြခဲ့ကြသူတွေအားလုံး ကျန်းမာရေး အခြေအနေလည်း ကောင်းပါတယ်။ သူတို့တွေကို အရေးယူမှုတွေ ပြုလုပ်ထားခြင်းလည်း မရှိပါဘူး။ အခုဆိုရင် သူတို့ကို ပုံမှန် ထောင်ဝင်စာတွေ ခွင့်ပေးသွားမှာ ဖြစ်ပါတယ်”ဟု ပြောကြားခဲ့သည်။ မြန်မာတစ်နိုင်ငံလုံးရှိ အကျဉ်းထောင် ၄၂ ခုနှင့် အလုပ်စခန်း ၁၀၉ ခု တွင် အကျဉ်းသားဦးရေ ၆၀၀၀၀ ၀န်းကျင်ရှိသည့် အနက် ၁၄၆၀၀ ကျော်ကို သမ္မတ၏ လွတ်ငြိမ်းချမ်းသာခွင့်အဖြစ် မေလ ၁၇ ရက်နေ့ တွင် လွှတ်ပေးခဲ့ကြောင်း သိရသည်။ ထို့ပြင် အင်းစိန်အကျဉ်းထောင် မှ မေလ ၁၇ ရက်နေ့တွင် အကျဉ်း သားဦးရေပေါင်း ၂၅၀၀ ၀န်းကျင်ကို လွတ်ငြိမ်းချမ်းသာခွင့် ပေးခဲ့ကြောင်း၊ ထိုသို့လွှတ်ပေးခြင်းသည် အင်းစိန် အကျဉ်းထောင်၏ ပထမအသုတ် အဖြစ် လွှတ်ပေးခြင်းဖြစ်ကြောင်း၊ ကျန်ရှိနေသူများကိုလည်း အဖွဲ့ချင်းစီ အလိုက် စိစစ်မှုများပြုလုပ်ကာ ယခု အချိန်အထိ ဆက်လက်လွှတ်ပေးမှုများ ပြုလုပ်လျက်ရှိကြောင်း သိရသည်။ |
