အမေရိကန် စစ်ရေးလေ့ကျင့်မှု မြောက်ကိုရီးယား လက်တုံ့ပြန်မည်
ဓာတ်ပုံ AP
အာရှဒေသ လုံခြုံရေး နှီးနှောဖလှယ်ပွဲ တက်ရောက်နေသည့် မြောက်ကိုရီးယား ပြောခွင့်ရသူ Ri Tong Il ကို သတင်းထောက်များ ၀ိုင်းဝန်းမေးမြန်း နေကြစဉ်။ (ဇူလိုင် ၂၃၊ ၂၀၁၀)
အမေရိကန်နဲ့ တောင်ကိုရီးယားတို့ရဲ့ ပူးတွဲ စစ်ရေးလေ့ကျင့်မှုတွေဟာ မြောက်ကိုရီးယားရဲ့ အချုပ်အချာ အာဏာကို ခြိမ်းခြောက်နေပြီးတော့ ၁၉ ရာစုက ပစ်မှုခတ်မှုတွေနဲ့ သံခင်းတမန်ခင်း ဆင်နွှဲခဲ့တာတွေကို ပြန်လည် အမှတ်ရစေတယ်လို့ ဗီယက်နမ် နိုင်ငံ ဟနွိုင်းမြို့မှာ ကျင်းပနေတဲ့ အာဆီယံဒေသတွင်း စည်းဝေးပွဲကို တက်ရောက်နေတဲ့ မြောက်ကိုရီးယား ပြောခွင့်ရသူ ၀ီထွန် အေးလ် က ပြောပါတယ်။
အမေရိကန်က စစ်ရေးအရ ခြိမ်းခြောက်လာမယ်ဆိုရင် သူတို့ဘက်ကလဲ စစ်ရေးအရ တုံ့ပြန်ရလိမ့်မယ်လို့ သူက ပြောသွားပါတယ်။ အခုလို မြောက်ကိုရီးယားဘက်က ခြိမ်းခြောက်လိုက်တဲ့ကိစ္စဟာ အာဆီယံ ဒေသတွင်း စည်းဝေးပွဲမှာ ဆွေးနွေးနေတဲ့ တခြား ကိစ္စတွေကို ဖုံးလွှမ်းသွား စေခဲ့ပါတယ်။
ဒီကနေ့ပဲ အမေရိကန် နိုင်ငံခြားရေးဝန်ကြီး ဟယ်လာရီ ကလင်တန်ကလဲ မြောက်ကိုရီးယားဟာ ရန်စတဲ့လုပ်ရပ်နဲ့ အန္တရာယ် မကင်းဖွယ် ပြုမူနေတဲ့ အထီးကျန် စစ်ရေးဝါဒီကို ကျင့်သုံးတဲ့ နိုင်ငံဖြစ်တယ်လို့ ကောက်ချက်ချခဲ့ပါတယ်။ အခုအပတ် အစောပိုင်းတုန်းကလဲ အမေရိကန် အစိုးရက မြောက်ကိုရီးယား အစိုးရအပေါ်မှာ ပိတ်ဆို့ဒဏ်ခတ်မှု အသစ်တွေ ချမှတ်ခဲ့တာဖြစ်ပါတယ်။
