သုံးရောင်ခြယ်အဖွဲ့ဝင် နိုင်ငံရေးအကျဉ်းသားကိုကျော်ဆန်း ပြန်လွတ်ကို စိန်လှိုင် နှင့် Ma San Dar Min မလွတ်သေး

2011-05-20

တချိန်က ဒေါ်အောင်ဆန်းစုကြည်ရဲ့ လုံခြုံရေးကို တာဝန်ယူခဲ့ကြတဲ့ သုံးရောင်ခြယ် ကျောင်းသားများအဖွဲ့ဝင် ၈၈ မျိုးဆက်ကျောင်းသား တဦးလည်း ဖြစ်တဲ့ ကိုကျော်ဆန်းဟာ ရွှေဝါရောင် သံဃာ့လှုပ်ရှားမှုကြီး မပေါ်ပေါက်ခင် စီတန်းလမ်းလျှောက်မှု၊ ဒေါ်အောင်ဆန်းစုကြည် လွတ်မြောက်ရေး ဝတ်ပြုဆုတောင်း လှုပ်ရှားမှုတွေကြောင့် ၂၀၀၇ သြဂုတ်လအတွင်း အဖမ်းဆီးခံရကာ ထောင်ဒဏ် ၄ နှစ်ကျခဲ့ပါတယ်။

Photo: AFP

အစိုးရသစ်၏ လွတ်ငြိမ်းသက်သာခွင့်အမိန့်ဖြင့် မေလ ၁၇ ရက်နေ့တွင် နာမည်ကျော် အင်းစိန်ထောင်ကြီးမှ လွတ်မြောက်လာသော အကျဉ်းသားများ ဖြစ်ပါသည်။ (Photo: AFP)

ပုဒ်မ ၅၀၅၊ ပုဒ်မ ၁၄၇ စတဲ့ နိုင်ငံတော် အကြီးအကဲတွေကို အကြည်အညိုပျက်အောင် လုပ်ဆောင်မှု ဆူပူအောင် လှုံ့ဆော်မှုတွေနဲ့ သူ့ကို ပြစ်ဒဏ်ချမှတ်ခဲ့တာပါ။ စတင် ဖမ်းဆီးချိန်တုန်းက အင်းစိန်ထောင်၊ အဲဒီနောက် ကျိုင်းတုံထောင် အခုနောက်ဆုံး မိုင်းဆတ်ထောင်ကို ပြောင်းရွှေ့ခဲ့ပြီး ထောင်ဒဏ် သက်တမ်းပြည့်ဖို့ ၇ လအလိုမှာ လွတ်ငြိမ်းချမ်းသာခွင့် အမိန့်နဲ့ ပြန်လည် လွတ်မြောက်လာတာ ဖြစ်ပါတယ်။